Նիկոլ Փաշինյանն այցելել է Լուսաձորի նորակառույց դպրոց

Հայաստանի վարչապետ Նիկոլ Փաշինյանն այցելել է Տավուշի մարզի Լուսաձոր բնակավայրի նորակառույց դպրոց։

«Արմենպրես»-ի փոխանցմամբ՝ վարչապետ Նիկոլ Փաշինյանն այդ մասին հայտնել է «Ֆեյսբուք»-ի իր էջում։

ՀՀ վարչապետը Լուսաձորի նորակառույց դպրոց է այցելել Ակնաղբյուր համայնքից՝ դպրոցական ավտոբուսով։

Հիշեցնենք, որ օրերս ՀՀ վարչապետը հայտնել էր մարզերում դպրոցական ավտոբուսի ծառայության գործարկման մասին։

Վարչապետն այս պահին շրջայց է կատարում Լուսաձորի նորակառույց դպրոցում, ծանոթանում պայմաններին։