1 րոպեի ընթերցում
ԵՐԵՎԱՆ, 25 ԴԵԿՏԵՄԲԵՐԻ, ԱՐՄԵՆՊՐԵՍ: Անտառային հրդեհն ավելի քան 100 տուն Է վնասել կամ ոչնչացրել Չիլիի Վալպարասիո քաղաքի արվարձանում: Այդ մասին հայտնել Է արտակարգ իրավիճակների ազգային վարչության տնօրեն Ռիկարդո Տորոն, տեղեկացնում Է «Արմենպրես»-ը:
«Նախնական տվյալներով՝ վնաս Է հասցվել հարյուրից ավելի տների, 95 հազար տուն մնացել Է առանց Էլեկտրականության»,- ասել Է նա դեկտեմբերի 24-ին կայացած մամուլի ասուլիսում, որը հեռարձակվել Է Twitter-ում: Հրշեջներին առայժմ չի հաջողվել հսկողության տակ առնել հրդեհը: Տուժած շրջանի եւ հարեւան բնակավայրերի բնակիչները տարհանված են: Իշխանությունները չեն բացառում, որ բռնկումը տեղի Է ունեցել հրկիզման հետեւանքով, հաղորդել Է ՏԱՍՍ-ը: