1 րոպեի ընթերցում
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: ՌԴ նախագահ Վլադիմիր Պուտինը ճիշտ Է համարել 2020 թվականի մայիսի 9-ի Հաղթանակի զորահանդեսին մասնակցելու համար ՀԱՊԿ-ի բոլոր երկրների զինծառայողներին հրավիրելու գաղափարը, տեղեկացնում Է «Արմենպրես»-ը:
«Կազմակերպության անդամ պետությունների ղեկավարներին սպասում ենք Մոսկվայում 2020 թվականի մայիսի 9-ի հանդիսություններին եւ երախտապարտ ենք այն գաղափարին աջակցելու համար, որ ՀԱՊԿ-ի բոլոր երկրների զորակազմերը մասնակցեն Հաղթանակի զորահանդեսին Կարմիր հրապարակում»,-հայտարարել Է Պուտինը ՀԱՊԿ-ի Հավաքական անվտանգության խորհրդի ընդլայնված կազմով լիագումար նիստում:
Պուտինն ընդգծել Է, որ հատուկ նշանակություն Է տալիս այն բանին, որ ՀԱՊԿ-ի երկրներն այսուհետեւ Էլ միասնական դիրքերից հանդես կգան ֆաշիզմի ջախջախման գործում Խորհրդային Միության ժողովուրդների վճռորոշ դերի վերաբերյալ օբյեկտիվ տեղեկատվության տարածման հարցերում, հաղորդել Է ՏԱՍՍ-ը: