1 րոպեի ընթերցում
ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Մարդատար Sukhoi Superjet 100 ինքնաթիռը, որը պատկանում է «Յամալ» ավիաընկերությանը, խափանված շարժիչով բարեհաջող վայրէջք է կատարել Տյումենի օդանավակայանում: «Արմենպրես»-ի փոխանցմամբ՝ այս մասին ՏԱՍՍ-ին հայտնել են ավիացիոն ծառայությունից:
«Superjet ինքնաթիռը վայրէջք է կատարել Տյումենի օդանավակայանում: Զոհեր չկան»,- նշել է գործակալության զրուցակիցը:
Ինքնաթիռն իրականացնելիս է եղել Տյումեն-Սանկտ Պետերբուրգ չվերթը: Թռիչքից րոպեներ անց խափանվել է ինքնաթիռի ձախ շարժիչը, և անձնակազմը օդանավակայան վերադառնալու որոշում է կայացրել: