396.76
ԵԱՏՄ-ի և Սերբիայի միջև ստորագրվեց Ազատ առևտրի գոտու ստեղծման համաձայնագիր
1 րոպեի ընթերցում
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: ՌԴ մայրաքաղաք Մոսկվայում կայացած Եվրասիական միջկառավարական խորհրդի նիստի ընթացքում Եվրասիական տնտեսական միության և Սերբիայի միջև ստորագրվեց Ազատ առևտրի գոտու ստեղծման համաձայնագիր:
«Արմենպրես»-ի հաղորդմամբ՝ Եվրասիական տնտեսական միության կողմից համաձայնագիրը ստորագրեց Եվրասիական տնտեսական հանձնաժողովի նախագահ Տիգրան Սարգսյանը, Հայաստանի Հանրապետության կողմից համաձայնագիրը ստորագրեց ՀՀ վարչապետ Նիկոլ Փաշինյանը, Բելառուսից՝ վարչապետ Սերգեյ Ռումասայը, Ղազախստանից՝ վարչապետ Ասկար Մամինը, Ղրղզստանից՝ վարչապետ Մուհամեդկալի Աբիլգազիևը, Ռուսաստանի վարչապետ Դմիտրի Մեդվեդևը և Սերբիայից՝ վարչապետ Աննա Բռնաբիչը:
ՌԴ մայրաքաղաք Մոսկվայում կայացած Եվրասիական միջկառավարական խորհրդի նիստին հոկտեմբերի 25-ին ԵԱՏՄ անդամ պետությունների կառավարությունների ղեկավարները Չինաստանի հետ ընդունել են համատեղ հայտարարություն՝ կապված առևտրատնտեսական համագործակցության համաձայնագրի ուժի մեջ մտնելու կապակցությամբ:
Բաժանորդագրվեք մեր ալիքին Telegram-ում