Կկարոտեմ Հայաստանը. Քիմ Քարդաշյանը «Ինստագրամ»-ում նոր հրապարակում է կատարել

ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Keeping up with Kardashians շոուի աստղ Քիմ Քարդաշյանը հրաժեշտ է տվել Հայաստանին մասնավոր ինքնաթիռից և կիսվել իր տպավորություններով:

«Արմենպրես»-ի հաղորդմամբ՝ Քարդաշյանը «Ինստագրամ»-ի իր էջի Stories բաժնում տեսանյութեր է հրապարակել ինքնաթիռից, որտեղ երևում է ննջասենյակը և հանգստի համար նախատեսված հատվածը:

«Ես կկարոտեմ քեզ Հայաստան»,- տեսանյութերից մեկն այսպես է մակագրել Քիմը:

Աստղը նաև որդու հետ լուսանկար է հրապարակել, որում երևում է, թե ինչպես են ինքնաթիռում քնած: