368.59
Թուրք-սիրիական սահմանին տեղի ունեցած հարձակման հետևանքով սպանվել է 12 քաղաքացի
1 րոպեի ընթերցում
ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Թուրք-սիրիական սահմանի Սիրիայի հատվածում գտնվող Չոբանբեյ ավանում տեղի է ունեցել հարձակում, ինչի հետևանքով սպանվել է 12 քաղաքացի:
Այս մասին, ինչպես հաղորդում է «Արմենպրես»-ը, հայտնում է թուրքական «Դիքեն» լրատվամիջոցը:
Ըստ տեղեկությունների՝ Չոբանբեյի հարավում գտնվող հիվանդանոցի մոտակայքում տեղի ունեցած հարձակման հետևանքով պայթյուն է գրանցվել:
12 զոհից բացի, կան նաև բազմաթիվ վիրավորներ:
Լրատվամիջոցը հայտնում է նաև, որ վերոնշյալ շրջանում Թուրքիան 2016-2017 թվականների ընթացքում իրականացրել է «Եփրատի վահան» անունը կրող ռազմական գործողությունները՝ այդ տարածքը «Իսլամական պետություն» խմբավորման զինյալներից մաքրելու պատրվակով:
Բաժանորդագրվեք մեր ալիքին Telegram-ում