Տարածաշրջանային

Ստամբուլում տեղի է ունեցել «Հրանտ Դինք» միջազգային մրցանակի հանձնման արարողությունը

2 րոպեի ընթերցում

ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Պոլսահայ մտավորական Հրանտ Դինքի ծննդյան օրը՝ սեպտեմբերի 15-ին, Թուրքիայի Ստամբուլ քաղաքում տեղի է ունեցել ամենամյա «Հրանտ Դինք» միջազգային մրցանակի հանձնման արարողությունը:

Այս մասին, ինչպես հաղորդում է «Արմենպրես»-ը, հայտնում է թուրքական «Դիքեն» լրատվամիջոցը:

Մրցանակը տրվել է ազգությամբ թուրք, նախկին ուսուցչուհի, կանանց իրավունքների պաշտպան Նեբահաթ Աքքոչին, որը պայքարել է կանանց նկատմամբ տղամարդկանց բռնության դեմ:

Մրցանակի է արժանացել նաև հնդկուհի Ագնես Խարշինգը, որը պայքարել է Հնդկաստանում աղքատների, կանանց, երեխաների իրավունքների պաշտպանության համար:

«Հրանտ Դինք» միջազգային մրցանակը սահմանվել է 2009 թվականին Հրանտ Դինքի անվան հիմնադրամի կողմից՝ ի հիշատակ նշանավոր պոլսահայ մտավորական,«Ակոս» պարբերականի հիմնադիր և գլխավոր խմբագիր Հրանտ Դինքի։ Մրցանակը հանձնվում է Թուրքիայից և արտասահմանից երկու անձի կամ կազմակերպության, որոնք պայքարում են խտրականության, ռասիզմի և բռնության դեմ, սեփական իդեալների համար պատրաստ են ռիսկի գնալ և նման կերպ խրախուսում և ոգեշնչում են մյուսներին:

Ամենամյա մրցանակաբաշխությունը նպատակ ունի ցույց տալու, որ սեփական իդեալների համար պայքարող մարդկանց ձայնը լսելի է, նրանց աշխատանքը` տեսանելի, և նրանք միայնակ չեն:

Հրանտ Դինքը սպանվել էր թուրք ազգայնականների կողմից 2007 թվականի հունվարի 19-ին:

Հայերեն العربية English Русский

Աբդուլլահ Օջալանը PKK–ին կոչ է արել զինաթափվել

ԱՄՆ–ն Ռուսաստան է արտաքսել Մոսկվայի կողմից հետախուզվող ռուսաստանցու

Էկոնոմիկայի փոխնախարարն Էստոնիայի դեսպանին է ներկայացրել «Խաղաղության խաչմերուկ» նախագիծը

«Կրթվելը նորաձև է» շարժման կենտրոնական կոմիտեի նիստում քննարկվել Է շարժման ռազմավարական ուղղությունը

Թրամփը հայտարարել է, որ Կանադայի և Մեքսիկայի համար մաքսատուրքեր կսահմանի մարտի 4–ից

Գեղարքունիքի մարզում ճանապարհների ձնամաքրման և մշակման աշխատանքները շարունակվում են

Արտակարգ իրավիճակներում հոգեսոցիալական աջակցությունը ՆԳՆ ուշադրության կենտրոնում է․ Փրկարար ծառայության տնօրենը մասնակցել է ՅՈՒՆԻՍԵՖ-ի միջոցառմանը

Հայտնի են «Գավառ համայնքի մասնակցային բյուջետավորում-2025» գործընթացի հաղթող նախագծերը

Հունաստանի ազգային պաշտպանության նախարարը վերահաստատել է ՀՀ ԶՈՒ բարեփոխումներին աջակցելու պատրաստակամությունը

Պայմանավորվածություն կա, որ ՀՀ–ի և Ադրբեջանի սահմանազատման հանձնաժողովների հանդիպումները պետք է ինտենսիվ լինեն. փոխվարչապետ