368.54
ԱԳՆ խոսնակը հայտնեց, թե ինչու է դադարեցվել Արա Բաղդասարյանի պարտականությունները
1 րոպեի ընթերցում
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Արտաքին գործերի նախարարության կողմից որոշում է կայացվել դադարեցնել Արա Բաղդասարյանի՝ Անդորրայում ՀՀ պատվավոր հյուպատոսի պարտականությունները դրանք ոչ արդյունավետ իրականացնելու կապակցությամբ: Այդ մասին տեղեկացվել է ինչպես Արա Բաղդասարյանը, այնպես էլ Անդորրայի իշխանությունը: Ինչպես տեղեկացնում է «Արմենպրես»-ը, սեպտեմբերի 13-ին այս մասին լրագրողների հետ ճեպազրույցում ասաց ՀՀ ԱԳՆ մամուլի խոսնակ Աննա Նաղդալյանը:
ԱԳՆ խոսնակը լրատվամիջոցների ուշադրությունը հրավիրեց այն հանգամանքին, որ Արա Բաղդասարյանն Անդորրայում ոչ թե հյուպատոս է, այլ պատվավոր հյուպատոսն է, որը դիվանագիտական ծառայության հետ առնչություն չունեցող պաշտոն է:
«Ինչ վերաբերում է Անդորրայի հետ հարաբերություններին, ապա դրանք համակարգվում են Ֆրանսիայում Հայաստանի Հանրապետության դիվանագիտական ծառայության մարմնի կողմից»,- եզրափակեց Աննա Նաղդալյանը:
Բաժանորդագրվեք մեր ալիքին Telegram-ում