Վրաստանի վարչապետը շնորհավորել է Նիկոլ Փաշինյանի գլխավորած ուժին՝ ընտրություններում հաջողության կապակցությամբ

Վրաստանի վարչապետ Իրակլի Կոբախիձեն շնորհավորել է Նիկոլ Փաշինյանի գլխավորած քաղաքական ուժին՝ ՀՀ խորհրդարանական ընտրություններում հաջողության հասնելու կապակցությամբ։ 

«Արմենպրես»-ի հաղորդմամբ՝ Վրաստանի վարչապետն այդ մասին գրառում է կատարել սոցցանցի X հարթակում։ 

Heartfelt congratulations to PM @NikolPashinyan on his party's success in the elections. Looking forward to continuing our close cooperation to strengthen the strategic partnership and friendly relations between Georgia and Armenia for the prosperity of our nations 🇬🇪🇦🇲

— Irakli Kobakhidze (@PM_Kobakhidze) June 7, 2026

«Սրտանց շնորհավորում եմ վարչապետ Նիկոլ Փաշինյանին՝ ընտրություններում իր կուսակցության հաջողության կապակցությամբ։ Անհամբեր սպասում եմ մեր սերտ համագործակցության շարունակությանը՝ Վրաստանի և Հայաստանի միջև ռազմավարական գործընկերությունն ու բարեկամական հարաբերությունները ամրապնդելու համար, ինչպես նաև մեր ազգերի բարգավաճման համար»,- գրել է Վրաստանի վարչապետը։ 

Կենտրոնական ընտրական հանձնաժողովը հրապարակել է Հայաստանում կայացած խորհրդարանական ընտրությունների նախնական արդյունքները։ 110 ընտրատեղամասերի հաշվարկով ՔՊ-ն ստացել է ձայների 57.14 տոկոսը։