2 րոպեի ընթերցում
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Paramount Pictures-ը ցուցադրել Է «Տերմինատոր. մութ ճակատագրեր» ֆիլմի նոր թրեյլերը: Տեսահոլովակը հրապարակված Է ստուդիայի YouTube-ալիքում,տեղեկացնում Է «Արմենպրես»-ը: Թրեյլերում պատմվում Է Գրեյս նոր հերոսուհու մասին, որին մարմնավորել Է Մաքենզի Դեւիսը:
Նա կիսով կիբորգ Է եւ իրեն «կատարելագործված մարդ» Է համարում:
Սառա Քոնորի հետ նա փորձում Է պաշտպանել Դանիելա անունով աղջկան, որին հետապնդում Է հեղուկ մետաղից Տերմինատորի նոր մոդելը: Կինոնկարի ռեժիսորն Է Թիմ Միլլերը («Դեդփուլ»), որպես պրոդյուսերներից եւ սցենարի հեղինակներից մեկը հանդես Է եկել Ջեյմս Քեմերոնը, որը նկարահանել Է Տերմինատորի մասին առաջին երկու ֆիլմերը: Ավելի վաղ Քեմերոնը հայտնել Է, որ «Տերմինատոր. մութ ճակատագերը» «Տերմինատոր 2. աշխարհի վերջը» կինոնկարի ուղղակի շարունակությունն Է: Նոր ֆիլմը սյուժեով կապված չի լինի այն կինոպատումի մասերի հետ, որոնք Էկրան են բարձրացել «Աշխարհի վերջից» եւ «Տերմինատոր. ճակատամարտ հանուն ապագայի» սերիալից հետո:
Առնոլդ Շվարցենեգերը վերադարձել Է Տերմինատորի դերին, իսկ Սառա եւ Ջոն Քոնորներին կրկին մարմնավորել են Լինդա Հեմիլտոնը եւ Էդվարդ Ֆեռլոնգը:
Ֆիլմի ցուցադրումը պլանավորված Է հոկտեմբերին: