«Եվրատեսիլ 2020»-ի անցկացման վայրը հայտնի կդառնա օգոստոսի 30-ին

ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: «Եվրատեսիլ 2020» երգի մրցույթի անցկացման քաղաքը եւ ամսաթվերը կհայտարարվեն օգոստոսի 30-ին: Այդ մասին, ինչպես տեղեկացնում Է «Արմենպրես»-ը, հայտնել Է Եվրոպայի հեռարձակողների միությունը (ԵՀՄ):

«Եվրատեսիլ 2020»-ը կանցկացվի 2020 թվականի մայիսին Նիդեռլանդների Թագավորությունում: Մրցույթի անցկացման իրավունքը Նիդեռլանդներն ստացել Է 2019 թվականի մրցույթում իր ներկայացուցիչ Դունկան Լոուրենսի՝ Arcade երգով հաղթելուց հետո, որը տեղի Է ունեցել Թել Ավիվում:

Սկզբնապես «Եվրատեսիլ»-ի անցկացման իրավունքի համար մրցում Էին երկրի մի քանի քաղաքներ, սակայն «եզրափակիչում» հայտնվեցին միայն երկուսը: Այսօրվա դրությամբ ԵՀՄ-ն քննարկում Է շոուն Ռոտերդամում կամ Մաաստրիխտում կազմակերպելու հնարավորությունը: Ավելի վաղ դրանցից ոչ մեկում Նիդեռլանդները «Եվրատեսիլ» չի անցկացրել: Երկրպագուների պորտալներում կատարված հարցումների համաձայն, ամենայն հավանականությամբ, շոուի մայրաքաղաք կհայտարարվի Ռոտերդամը. այն ավելի մեծ Է եւ ավելի լավ հարթակ ունի, գրում Է Sputnik-ը: