1 րոպեի ընթերցում
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Brexit-ի հարցերով բրիտանացի նախարար Սթիվեն Բարքլին Եվրամիության գլխավոր բանակցորդ Միշել Բառնիեին հայտարարել Է, որ Միացյալ Թագավորությունը ԵՄ-ից դուրս կգա հոկտեմբերի 31-ին, անկախ այն բանից՝ կողմերին կհաջողվի արդյոք համաձայնության հասնել հետագա համագործակցության պայմանների շուրջ: Այդ մասին, ինչպես տեղեկացնում Է «Արմենպրես»-ը, Բարքլին հուլիսի 30-ի երեկոյան հայտնել Է Twitter-ի իր Էջում:
«Խոսակցություն ունեցա Միշել Բառնիեի հետ եւ պարզորոշ ներկայացրեցի մեր դիրքորոշումը: Մենք ցանկանում ենք հասնել գործարքի կնքման, բայց ԵՄ-ն հոկտեմբերի 31-ին կլքենք դրա հետ կամ առանց դրա»,- գրել Է նախարարը, հաղորդել Է ՏԱՍՍ-ը:
