1 րոպեի ընթերցում
ԵՐԵՎԱՆ, 16 ՀՈՒԼԻՍԻ, ԱՐՄԵՆՊՐԵՍ: Կամերունից դեպի Կոտ դը Իվուար ուղևորվող թուրքական բեռնատար նավը Նիգերիայի առափնյա շրջաններում հարձակման է ենթարկվել նիգերիացի զինված ծովահենների կողմից, որոնք առևանգել են 10 թուրք նավաստիների:
Այս մասին, ինչպես հաղորդում է «Արմենպրես»-ը, հայտնում են թուրքական ԶԼՄ-ները:
Նավի սեփականատեր համարվող «Քադըօղլու» ընկերության տարածած տեղեկատվության համաձայն՝ վիրավորներ և զոհեր չկան: Աշխատանքներ են իրականացվում թուրք նավաստիներին փրկելու ուղղությամբ:
Ըստ ընկերության տվյալների՝ ծովահենները վնաս են հասցրել նավի կապի և նավարկության սարքերին: