Fitch-ը նվազեցրել է Թուրքիայի վարկանիշը «BB-»-ի՝ բացասական կանխատեսմամբ
1 րոպեի ընթերցում
![Fitch-ը նվազեցրել է Թուրքիայի վարկանիշը «BB-»-ի՝ բացասական կանխատեսմամբ](http://armenpress.am/resized/480/static/news/b/2019/07/981589.jpg)
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Fitch միջազգային վարկանիշային գործակալությունը Թուրքիայի էմիտենտի դեֆոլտի երկարաժամկետ վարկանիշը «BB» մակարդակից նվազեցրել է «BB-»-ի, ռեյտինգային կանխատեսումը բացասական է: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
Վարկանիշի նվազեցման պատճառ են դարձել Թուրքիայի Կենտրոնական բանկի նախագահ Մուրադ Չեթինքայայի հրաժարականը, Ստամբուլի քաղաքապետի կրկնակի ընտրությունների անցկացումը, ռուսական С-400 հակահրթիռային զենիթային համակարգերի մատակարարմամբ պայմանավորված Միացյալ Նահանգների կողմից պատժամիջոցների կիրառման ռիսկը: Վարկանիշն ու բացասական կանխատեսումը արտացոլում են ինֆլյացիայի բարձր մակարդակը, խստացված դրամավարկային քաղաքականությունը, ոսկու արժութային պահուստների ծավալները: