Սպորտ

Հայաստանի ֆուտբոլի թիմն Աթենքում հաղթեց Հունաստանին

2 րոպեի ընթերցում

Հայաստանի ֆուտբոլի թիմն Աթենքում հաղթեց Հունաստանին

ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ: Ֆուտբոլի Եվրոպայի 2020 թվականի առաջնության ընտրական փուլի J խմբի 4-րդ տուրում Հայաստանի ընտրանին հյուրընկալվեց Հունաստանին (2:3):

«Արմենպրես»-ի հաղորդմամբ՝ մեկնարկային «նոտան» Հայաստանի հավաքականի համար շատ լավն էր՝ արագ և շեշտակի: Եվ խաղի 8-րդ րոպեին, ստանալով Տիգրան Բարսեղյանի դիպուկ փոխանցումը, Ալեքսանդր Կարապետյանը գրեթե մեն-մենակ դուրս գալով դարպասապահի դիմաց՝ գրավեց հույների դարպասը՝ առաջ մղելով Հայաստանին: Ազգային ընտրանու պատմության մեջ առաջին անգամ Հայաստանը գոլ խփեց Հունաստանի թիմին: Խաղի 33-րդ րոպեին ստանալով Կամո Հովհաննիսյանի փոխանցումը Գևորգ Ղազարյանը խաբս տվեց Սոկրատիսին և հեռահար, դիպուկ և գեղեցիկ հարվածով գրավեց մրցակցի դարպասը (0:2):

Երկրորդ կեսի մեկնարկում Հունաստանը մեծ թափով սկսեց գրոհել և 54-րդ րոպեին Զեկան գրավեց Հայաստանի դարպասը (1:2): Երկրորդ կեսում Հայաստանի հավաքականը գոլային պահեր չէր ստեղծում: Հիմանականում պաշտպանվում էր: Բայց Գյուլբուդաղյանցի սաները վերգտան իրենց խաղը: Մխիթարյանի անցումից հետո գնդակը հայտնվեց Տիգրան Բարսեղյանի մոտ, ով կրկնակի հարվածից հետո գրավեց Հունաստանի դարպասը՝ 1:3: Հույներից Ֆորտունիսը հանդիպման վերջնամասում կրճատեցին հաշվի տարբերությունը՝ 2:3: Եվ Հայաստանի ընտրանին ի վերջո հաղթեց 2:3 հաշվով և երկրորդ անընդմեջ հաղթանակը տոնեց Եվրո-2020-ի ընտրական փուլում:

Հաջորդ հանդիպումը հավաքականը կանցկացնի սեպտեմբերի 5-ին, երբ Գյուլբուդաղյանցի թիմը կհյուրընկալի Իտալիայի ընտրանուն:

Բաժին

Տեղադրություն

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում