2 րոպեի ընթերցում
ԵՐԵՎԱՆ, 5 ՀՈւՆԻՍԻ, ԱՐՄԵՆՊՐԵՍ: Ամերիկացի երգչուհի Ռոբին Ռիհաննա Ֆենթին, որն ավելի հայտնի Է որպես Ռիհաննա, դարձել Է աշխարհի ամենահարուստ կին-երաժիշտը: Նրա կարողությունը գնահատվում Է 600 մլն դոլար: Այդ մասին, ինչպես տեղեկացնում Է «Արմենպրես»-ը, հունիսի 4-ին հայտնել Է Forbes հանդեսը:
Ամերիկացի երգչուհին տեղ Է գտել ամենահարուստ սելֆ-մեյդ կանանց ցուցակում՝ զբաղեցնելով 37-րդ տեղը: Ռիհաննան կարողացել Է առաջ անցնել առավել մեծ ժողովրդականություն վայելող մյուս ամերիկացի երգչուհիներից, ինչպիսիք են՝ Մադոննան (39-րդ տեղ, կարողությունը գնահատվում Է 570 մլն դոլար) եւ Բեյոնսեն (51-րդ տեղը, կարողությունը գնահատվում Է 400 մլն դոլար):
Հանդեսը նշում Է, որ Ռիհաննայի հիմնական եկամուտը գալիս Է ֆրանսիական LVMH-Louis Vuitton Moet Hennessy ընկերությունների խմբի հետ նրա գործընկերությունից: LVMH-ը դարձել Է Fenty Beauty կոսմետիկական բրենդի համասեփականատերը, որը Ռիհաննայի կողմից ստեղծվել Է 2017 թվականին: Առաջին մի քանի շաբաթվա ընթացքում Fenty Beauty-ն վաճառքների ծավալն ավելացրել Է 100 մլն դոլարով, ինչին նպաստել են Ռիհաննայի ճանաչված լինելը եւ 71 մլն բաժանորդները Instagram-ի նրա օգտահաշվում: Հանդեսի գնահատումներով՝ անցյալ տարի Fenty Beauty-ն ստացել Է 570 մլն դոլարի եկամուտ:
Ավելի վաղ տեղեկացվել Է, որ Ռիհանան LVMH ընկերությունների խմբի հիման վրա ստեղծելու Է Fenty նորաձեւության տունը, որի կենտրոնակայանը գտնվելու Է Փարիզում: Բրենդն արտադրելու Է հագուստ, կոշիկ, լյուքս դասի աքսեսուարներ ու զարդեր, հաղորդել Է ՏԱՍՍ-ը: