ԱՄՆ-ը կարգադրել Է Իրաքից դուրս բերել ամերիկացի բոլոր պետական ծառայողներին
1 րոպեի ընթերցում
![ԱՄՆ-ը կարգադրել Է Իրաքից դուրս բերել ամերիկացի բոլոր պետական ծառայողներին](http://armenpress.am/resized/480/static/news/b/2019/05/974857.jpg)
ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: ԱՄՆ-ի Պետդեպարտամենտը կարգադրել Է, որ պետական բոլոր այն ծառայողները, որոնց աշխատանքը կապված չԷ օպերատիվ ծառայությունների հետ, հեռանան Իրաքից: Այդ մասին, ինչպես տեղեկացնում Է «Արմենպրես»-ը, հայտնել Է Բաղդադում ամերիկյան դեսպանությունը:
«ԱՄՆ-ի Պետդեպարտամենտը կարգադրել Է Իրաքից դուրս բերել ամերիկացի պետական այն ծառայողներին, որոնց աշխատանքը կապված չԷ օպերատիվ ծառայությունների հետ, այդ թվում՝ Բաղդադի դեսպանությունից եւ Էրբիլի հյուպատոսությունից»,-ասված Է դիվանագիտական ներկայացուցչության կայքում զետեղված հաղորդագրության մեջ: Այցագրային ծառայությունների տրամադրումը ժամանակավորապես կասեցվելու Է, ճշտում Է դեսպանատունը: Ավելի վաղ ԱՄՆ-ի զինված ուժերի կենտրոնական հրամանատարությունը (СЕНТКОМ) Իրաքում եւ Սիրիայում բարձրացրել Է տագնապի մակարդակը Իրանի կողմից զինծառայողների նկատմամբ հնարավոր սպառնալիքի կապակցությամբ, հաղորդել Է ՌԻԱ Նովոստին: