Ջենիֆեր Էնիսթոնը լուսանկարվել է Harper՚s Bazaar-ի շապիկի համար՝ ստիպելով մոռանալ, որ ինքը 50 տարեկան է
2 րոպեի ընթերցում
ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Ջենիֆեր Էնիսթոնը հաստատուն դիրք Է զբաղեցնում այն աստղերի շարքում, որոնք, երկրպագուների խոսքով, երիտասարդության Էլիքսիր են խմում: Դերասանուհին հերթական անգամ հաստատել Է երկրպագուների խոսքերը՝ լուսանկարվելով փայլերես հանդեսի համար: Արտիստուհու ֆոտոն կզարդարի Harper՚s Bazaar-ի հունիսյան համարի շապիկը, տեղեկացնում Է «Արմենպրես»-ը:
Էնիսթոնը ցուցադրել Է իր իդելական մարմնակազմը՝ կեցվածք ընդունելով երկար կտրվածքով եւ խորը տպավորիչ լանջաբացվածքով զգեստով: Արտիստուհին, որը սիրավեպեր Է ունեցել դերասաններ Բրեդ Փիթի եւ Ջասթին Թերուի հետ, հրատարակությանը տված հարցազրույցում պատմել Է, թե ինչ արժանիքներ պետք Է ունենա իր զուգընկերը: Ինչպես նաեւ նշել Է, որ, չնայած տարիքին, իրեն զգում Է ինչպես այն նույն Ջենը, թեեւ կորցրել Է առաջվա աշխուժությունը:
«Նա պետք Է ունենա հումորի զգացում, սեփական արժանապատվության զգացում, վստահություն, բարություն, առատաձեռնություն: Եվ շրջապատված լինի լավ մարդկանցով»,- ասել Է Էնիսթոնը: Բացի այդ, «Ընկերների» աստղը որոշել Է լուսանկարվել կուրծքը բաց: Դերասանուհին օբյեկտիվի առջեւ կանգնել Է բաց կրծքով, որը ծածկել Է ձեռքով: Կերպարը լրացրել են կարճ շորտերը, մուգ զուգագուլպան եւ բարձրակրունկները՝ ճակատագրական գեղեցկուհու ատրիբուտները: Էնիսթոնը նշել Է, որ նման լուսանկարներում վիրավորական ոչինչ չկա, եւ մարդկանց խորհուրդ Է տվել չամաչել իրենց մարմնի համար: «Այո, լուսանկարներից մեկում ես կեցվածք եմ ընդունել առանց վերնահագուստի: Բայց դրանում վիրավորական ոչինչ չկա:
«…» Ես կարծում եմ, որ մեր մարմինները գեղեցիկ են, եւ մենք մեզ պետք Է հարմարավետ զգանք՝ անկախ տարիքից»,- հավելել Է նա, հաղորդել Է Life-ը: