Արցախում ադրբեջանական կրակոցից վիրավորված զինծառայողի վիճակը դեռևս ծայրահեղ ծանր է. նա Երևանում է
1 րոպեի ընթերցում
![Արցախում ադրբեջանական կրակոցից վիրավորված զինծառայողի վիճակը դեռևս ծայրահեղ ծանր է. նա Երևանում է](http://armenpress.am/resized/480/static/news/b/2019/05/973783.jpg)
ԵՐԵՎԱՆ, 6 ՄԱՅԻՍԻ, ԱՐՄԵՆՊՐԵՍ: Արցախում հակառակորդի կրակոցից վիրավորված ժամկետային զինծառայողԱգանիկ Զորոգլյանի վիճակը շարունակում է մնալ ծայրահեղ ծանր: «Արմենպրես»-ի հետ զրույցում այս մասին ասաց ՀՀ Պաշտպանության նախարարության մամուլի խոսնակ Արծրուն Հովհաննիսյանը:
Մեր այն հարցին՝ առաջիկայում զինծառայողին վիրահատություն սպասվում է, թե ոչ, Արծրուն Հովհաննիսյանը պատասխանեց, որ ամեն ինչ պարզ կլինի, երբ վիճակը կայունանա:
Մայիսի 4-ին՝ ժամը 16:05-ի սահմանում, Արցախի Հանրապետության ՊՆ հարավարևելյան ուղղությամբ տեղակայված զորամասերից մեկի պահպանության տեղամասում հակառակորդի կողմից արձակված կրակոցից վիրավորվել էր ժամկետային զինծառայող, 1998թ. ծնված Ագանիկ Գառնիկի Զորոգլյանը:
ՊԲ ժամկետային զինծառայողԱգանիկ Զորոգլյանը ռեանիմոբիլով տեղափոխվել էր Երևան՝ Մուրացանի զինվորական հոսպիտալ: