Աննա Հակոբյանը ներկա է գտնվել «Երևանյան հեռանկարներ» 20-րդ հոբելյանական փառատոնի բացման արարողությանը
1 րոպեի ընթերցում
ԵՐԵՎԱՆ, 30 ԱՊՐԻԼԻ, ԱՐՄԵՆՊՐԵՍ: Հայաստանի Հանրապետության վարչապետի տիկին, «Իմ քայլը» և «City of smile ժպիտների քաղաք» բարեգործական հիմնադրամների հոգաբարձուների խորհրդի նախագահ Աննա Հակոբյանն ապրիլի 29-ին ներկա է գտնվել «Երևանյան հեռանկարներ» միջազգային երաժշտական 20-րդ հոբելյանական փառատոնի բացման արարողությանը:
Ինչպես «Արմենպրես»-ին հայտնեցին Աննա Հակոբյանի գրասենյակից, միջոցառմանը համերգային ծրագրով հանդես է եկել 5 Գրեմիի մրցանակակիր բրիտանական լեգենդար The Swingles խումբը: Համերգին Աննա Հակոբյանին ուղեկցել են երկու դստրերը` Շուշան և Արփի Փաշինյանները:
«Երևանյան հեռանկարներ» միջազգային երաժշտական փառատոնն անցկացվում է ՀՀ վարչապետ Նիկոլ Փաշինյանի հովանու ներքո: Փառատոնին աջակցում է «Իմ քայլը» հիմնադրամը: Աննա Հակոբյանի նախաձեռնությամբ «Իմ քայլը» հիմնադրամի շրջանակում ստեղծվել է դասական երաժշտության բարեկամների խումբ, որի նպատակն է աջակցել Հայաստանում դասական երաժշտության նվագախմբերին: