Գարեգին Բաղրամյանն ընտրվեց ՀԾԿՀ նախագահ

ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: ՀՀ Ազգային ժողովը Գարեգին Բաղրամյանին ընտրեց Հանրային ծառայությունները կարգավորող հանձնաժողովի նախագահի պաշտոնում: «Արմենպրես»-ի փոխանցմամբ՝ այս մասին հայտնեց ԱԺ հաշվիչ հանձնախմբի նախագահ Վահագն Հովակիմյանը:

«Ազգային ժողովի 132 պատգամավորներից քվեարկությանը մասնակցել է 106-ը, անվավեր է ճանաչվել 1 քվեաթերթիկ: Ձայները բաշխվել են հետևյալ կերպ՝ կողմ՝ 85, դեմ՝ 20»,- ասաց Հովակիմյանը:

ՀԾԿՀ նախագահի պաշտոնում Գարեգին Բաղրամյանի թեկնածությունն առաջադրել էր ՀՀ վարչապետ Նիկոլ Փաշինյանը: