Մայրաքաղաքի գետնանցումները կբարեկարգվեն. քաղաքապետարանը զգուշացրել է դրանց սեփականատերերին
1 րոպեի ընթերցում
ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Մայրաքաղաքի գետնանցումները կբարեկարգվեն կամ հետ կվերադարձվեն համայնքներին: «Արմենպրես»-ի փոխանցմամբ`այս մասին փետրվարի 15-ին լրագրողների հետ զրույցում ասաց Երևանի քաղաքապետ Հայկ Մարությանը:
«Առաջին օրվանից սկսել ենք գույքագրել բոլոր գետնանցումները: Շատ գետնանցումներ գնվել են, ունեն սեփականատերեր, նրանք ունեն օրենքով նախատեսված իրենց պարտավորությունները, որ պետք է բարեկարգման աշխատանքներ տանեին, բայց այդ պարտավորությունները չեն կատարել: Բոլորին զգուշացրել ենք նամակներով և բանավոր, ասել ենք` եթե չեք կատարում ձեր պարտականությունները, համայնքը հետ է վերցնում իր գույքը»,- ասաց Մարությանը:
Քաղաքապետի խոսքով` գետնանցումների սեփականատերերը իրենց պարտավորությունները կատարելու պատրաստակամություն են հայտնել:
