1 րոպեի ընթերցում
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: 40 տարի առաջ այն ժամանակ երկու խոշորագույն երաժշտական աստղերը մտել են BBC-ի ռադիոկայան՝ քննարկելու շաբաթվա երաժշտական նորությունները, տեղեկացնում Է «Արմենպրես»-ը: Հետագա մեկուկես ժամում Մայքլ Ջեքսոնը եւ Ջորջ Հարիսոնը քննարկել են Նիկոլետ Լարսոնի, The Blues Brothers-ի եւ Foreigner-ի վերջին սինգլները, ինչպես նաեւ պատմել են, թե ինչպես են ստեղծվել իրենց սեփական երգերը: Սակայն BBC-ում որոշում Էր ընդունվել արխիվներում չպահել շոուի լրիվ ձայնագրությունը, պահպանվել Էր այդ հաղորդման սոսկ ոչ մեծ մի հատվածը:
Բայց վերջերս հայտնաբերվել ու վերականգնվել Է Ջեքսոնի եւ Հարիսոնի հետ հարցազրույցի ամբողջական ձայնագրությունը:
Լեգենդար ծրագրի վերականգնված ամբողջական տարբերակը փետրվարի 9-ին կտրվի BBC-ի տեղական Radio Solent ռադիոկայանի (հաղորդումներ Է հեռարձակում Հեմփշիրի եւ Դորսեթի հարավային կումսություններում) եթերում, ինչպես նաեւ BBC-ի թվային ծառայություններում: