Օզի Օսբոռնը հիվանդանոց է ընկել

ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Ամերիկացի ռոք-երաժիշտ եւ Black Sabbath խմբի ֆրոնտմեն Օզի Օսբոռնին հոսպիտալացրել են գրիպից հետո սկսված բարդացումների պատճառով: Այդ մասին, ինչպես տեղեկացնում Է «Արմենպրես»-ը, Twitter-ում հայտնել Է նրա կինը՝ Շերոն Օսբոռնը:

«Նրա բժիշկները գտնում են, որ սա լավագույն միջոցն Է հնարավորինս արագ ապաքինվելու համար: Շնորհակալ եմ բոլորին հոգատարության եւ աջակցության համար»,-գրել Է երաժշտի կինը:

As some of you may have heard, Ozzy was admitted to hospital following some complications from the flu. His doctors feel this is the best way to get him on a quicker road to recovery. Thanks to everyone for their concern and love.

— Sharon Osbourne (@MrsSOsbourne) 6 февраля 2019 г.

Ավելի վաղ հաղորդվել Էր, որ Օզի Օսբոռնը հետաձգել Է եվրոպական շրջագայության առաջին չորս համերգները թոքաբորբի զարգացման սպառնալիքի պատճառով: Արտիստը պետք Է ելույթ ունենար Իռլանդիայում, Մեծ Բրիտանիայում, Գերմանիայում, Շվեդիայում, Ֆինլանդիայում, Շվեյցարիայում, Իտալիայում եւ Իսպանիայում:

Օզի Օսբոռնը Black Sabbath խմբի հիմնադիրներից մեկն Է, որն ազդել Է ռոք-երաժշտության այնպիսի ժանրերի ձեւավորման վրա, ինչպիսիք են՝ հարդ-ռոքը եւ հեւի-մետալը, հաղորդել Է ՌԻԱ Նովոստին: