1 րոպեի ընթերցում
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Եվրասիական տնտեսական միության միջկառավարական խորհրդի հերթական նիստը կանցկացվի Երևանում: Ինչպես հաղորդում է «Արմենպրես»-ը՝ վկայակոչելով ՏԱՍՍ պարբերականը, այս մասին հայտարարել է Ղրղզստանի վարչապետ Մոհամմեդկալի Աբիլգազիեւը՝ Ալմաթիում ԵԱՏՄ-ի միջկառավարական խորհրդի նիստի ժամանակ:
«Հայկական կողմի առաջարկով, մեկ անգամ եւս մենք նախատեսում ենք հանդիպել արեւոտ քաղաքում: Եվ օգտվելով այս հաճելի հնարավորությունից՝ առաջարկ եմ ներկայացնելու Եվրասիական միջկառավարական խորհրդի նիստը Երևանից հետո անցկացնել մեզ մոտ՝ Չոլպոն-Ատա քաղաքում՝ օգոստոսին»,-ասել է նա:
Ուրբաթ Ալմաթիում ընթանում է ԵԱՏՄ միջկառավարական խորհրդի 16-րդ նիստը: Հանդիպումը քննարկվում է կազմակերպության թվային օրակարգը: