Փորձագետները խոցելի են համարել տեղակայված համակարգչային ծրագրերի ավելի քան կեսը

ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Windows գործառական համակարգի կառավարմամբ գործող համակարգիչներում տեղակայված ծրագրերի կեսից ավելին օգտատերերին վտանգի Է ենթարկում չվերացված խոցելիությունների պատճառով: Այս եզրակացությանն են հանգել Avast ընկերության մասնագետները, տեղեկացնում Է «Արմենպրես»-ը:

Փորձագետները վերլուծել են 163 միլիոն համակարգիչներից ստացված տվյալները, որոնցում տեղակայված են ընկերության ծրագրերը, եւ պարզել են, որ օգտատերերի ավելի քան 94 տոկոսի մոտ տեղակայված Է Skype-ի հնացած տարբերակ, 85 տոկոսն օգտագործում Է Mozilla Firefox-ի հին տարբերակը, 77 տոկոսը չի նորացրել iTunes-ը: Մասնագետներն օգտատերերին կոչ են արել բաց չթողնել նորացումները, հատկապես եթե խոսքը վերաբերում Է բրաուզերներին կամ փոստային ծրագրերին, հաղորդել Է ՌԻԱ Նովոստին: