1 րոպեի ընթերցում
ԵՐԵՎԱՆ, 12 ՀՈՒՆՎԱՐԻ, ԱՐՄԵՆՊՐԵՍ: Թուրքիայի զինված ուժերի ստորաբաժանումները Սիրիայի հետ սահմանին՝ Հաթայ նահանգում զորավարժություններ են իրականացնում: Ինչպես հաղորդում է «Արմենպրես»-ը, այս մասին հայտնում է թուրքական «Անադոլու» գործակալությունը:
Թուրքական զրահամեքենաները և տեխնիկան բերվել են Սիրիայի Իդլիբ նահանգի սահմանների մոտ:
Թուրքիայի նախագահ Ռեջեփ Թայիփ Էրդողանը դեկտեմբերի 12-ին հայտարարել էր, որ մտադիր է Եփրատի արևելյան ափին գործողություն սկսել՝ ընդդեմ քուրդ զորամիավորումների:
Ավելի վաղ արդեն Թուրքիան Սիրիայում նման երկու գործողություն է իրականացրել՝ «Եփրատի վահան»-ը և «Ձիթենու ճյուղ»-ը: