Թուրքիայի ԱԳՆ պատվիրակությունը կմեկնի Վաշինգտոն
1 րոպեի ընթերցում
![Թուրքիայի ԱԳՆ պատվիրակությունը կմեկնի Վաշինգտոն](http://armenpress.am/resized/480/static/news/b/2019/01/960495.jpg)
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Թուրքիայի փոխարտգործնախարար Սեդաթ Օնալի գլխավորած պատվիրակությունը փետրվարի 5-ին կմեկնի Ամերիկայի Միացյալ Նահանգներ: Ինչպես հաղորդում է «Արմենպրես»-ը, այս մասին հայտնում է թուրքական NTV հեռուստաընկերությունը:
Վաշինգտոնում կայանալիք հանդիպման օրակարգում է լինելու իրադրությունը Սիրիայում, մասնավորապես՝ այդ երկրից ամերիկյան զորքերի դուրսբերումից հետո:
Հանդիպումներում ամերիկյան պատվիրակությունը ղեկավարելու է ԱՄՆ պետքարտուղարի քաղաքական հարցերով տեղակալ Դեյվիդ Հեյլը: