2 րոպեի ընթերցում
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Fortune հանդեսի փորձագետները կազմել են 2018 թվականի լավագույն սմարթֆոնների վարկանիշը: Հնգյակում հայտնվել են iPhone XS Max-ը, Google Pixel 3-ը, Huawei Mate 20 Pro-ն, OnePlus 6T-ն եւ Samsung Galaxy Note9-ը, տեղեկացնում Է «Արմենպրես»-ը:
iPhone XS Max-ը հայտարարել են ամենա «Էփլային» արտադրանքը, որը երբեւիցե թողարկել Է կորպորացիան: Դրա գլխավոր արժանիքներն են՝ անջրանցիկությունը, բարձրակարգ խցիկը, չափը եւ Էկրանի լուծաչափը, իսկ հիմնական թերությունը՝ բարձր գինը:
Google Pixel 3-ը հնգյակում Է հայտնվել շնորհիվ սպամի ավտոմատ արգելափակման հնարավորության եւ խցիկի սարքաբերումների շնորհիվ, որն օբյեկտները լավ Է ճանաչում նույնիսկ լիակատար մթության մեջ: Huawei Mate 20 Pro-ն բարձր գնահատական Է ստացել առանց լրալիցքավորման երկար աշխատելու, արհեստական ինտելեկտի համակարգի եւ որակյալ լուսանկարների համար:
Պարզվել Է, որ OnePlus 6T-ն ամենադեմոկրատական սմարթֆոնն Է այս վարանիշում, սակայն, բացի գնից, դրա առավելություններից մեկը համարել են մատնահետքերի Էկրանային սքաները եւ լուսանկարների լավ որակը օրվա մութ ժամանակ:
Samsung Galaxy Note9-ի գլխավոր արժանիքների թվում Է մոնիթորին միանալու եւ որպես լիարժեք անձնական համակարգիչ աշխատելու կարողությունը, մեծ Էկրանը, լավագույն խցիկը նույն այդ բրենդի մյուս սմարթֆոնների շարքում, ինչպես նաեւ ստիլուսի առկայությունը, հաղրդել Է ՌԻԱ Նովոստին: