1 րոպեի ընթերցում
ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: ՀՀ գյուղատնտեսության նախարարի պաշտոնակատար Գեղամ Գևորգյանը չի մասնակցի դեկտեմբերի 9-ին կայանալիք ԱԺ արտահերթ ընտրություններին:
«Արմենպրես»-ի փոխանցմամբ՝ այս մասին նոյեմբերի 7-ին Ազգային ժողովում լրագրողների հետ զրույցում հայտնեց ինքը՝ ՀՀ գյուղատնտեսության նախարարի պաշտոնակատար Գեղամ Գևորգյանը:
«Նման առաջարկ չի եղել: Իմ անձնական որոշումն է չմասնակցել խորհրդարանական արտահերթ ընտրություններին»,- ասաց Գևորգյանը:
Նախարարի խոսքով՝ իրեն չի մտահոգում այն հանգամանքը, որ կառավարության այլ անդամներ ստացել են առաջադրվելու առաջարկ, ինքը՝ ոչ:
«Ոչ մի արտառոց բան չեմ տեսնում: Եթե լինի կոնկրետ առաջարկ, կոնկրետ պայմաններում, այդ հարցը կարող է քննարկվել»,- նշեց նախարարի պաշտոնակատարը:
Գեղամ Գևորգյանը նշեց, որ ինքը ընտրություններից հետո կշարունակի պաշտոնավարել, եթե իշխանությունները ցանկանան: