3 րոպեի ընթերցում
ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: Ամերիկացի երգչուհի Արիանա Գրանդեն նոյեմբերի 6-ին տարվա կին ճանաչվել Billboard երաժշտական հանդեսի վարկածով: Այդ մասին, ինչպես տեղեկացնում Է «Արմենպրես»-ը, հաղորդվում Է հրատարակության կայքում:
«Արիանա Գրանդեն ինքնատիպ աստղ Է, որը չի ցանկանում ենթարկվել ինդուստրիայի որեւԷ որոշակի թրենդի կամ ուղու»,-հանդեսի ընտրությունը մեկնաբանել Է Billboard-ի՝ կոնտենտի գծով փոխնախագահ Ռոս Սքարանոն:
«Նա համարձակ Է, նա ստեղծում Է իր կարիերայի ընթացքում լավագույն երաժշտությունը, եւ նա, անտարակույս, արժանի Է տարվա կնոջ կոչմանը»,-հավելել Է նա:
Ինչպես նշում Է հրատարակությունը, պարգեւի հանձնումը կկայանա Billboard Women in Music 13-րդ ամենամյա արարողությանը, որը դեկտեմբերի 6-ին տեղի կունենա Նյու Յորքում: Անցյալ տարի այդ կոչմանն արժանացել Է երգչուհի Սելենա Գոմեսը: Գրանդեի երաժշտական կարիերան սկսվել Է 2017 թվականին: 2016 թվականի նոյեմբերին երգչուհին արժանացել Է American Music Awards հեղինակավոր երաժշտական մրցանակին «Տարվա արտիստ» գլխավոր անվանակարգում:
Բացի երաժշտությունից, Գրանդեն ակտիվորեն զբաղվում Է հասարակական գործունեությամբ: Այս տարվա սկզբին նա մասնակցել Է «Երթ հանուն մեր կյանքի» ակցիային, որն ուղղված Էր ԱՄՆ-ում հրաձգության եւ զանգվածային սպանությունների հետ կապված միջադեպերի դեմ: Սոցիալական ցանցերում երգչուհին քանիցս հանդես Է եկել գենդերային հավասարության եւ ոստիկանության կամայականություններից աֆրոամերիկացիների պաշտպանության օգտին: 2017 թվականի մայիսի 22-ին «Մանչեսթր-Արենայում» տեղի ունեցած ահաբեկչությունից հետո Գրանդեն օգնել Է One Love Manchester բարեգործական համերգի կազմակերպմանը, որն ավելի քան 23 մլն դոլար հավաքեց տուժածներին ու նրանց ընտանիքներին օգնելու համար: Billboard-ը ամերիկյան շաբաթահանդես Է երաժշտական ինդուստրիայի մասին: Մասնավորապես, հանդեսը հայտնի Է իր երաժշտական հիթ-շքերթներով եւ լավագույն երգերի չարթերով՝ անկախ ժանրից: Բացի այդ, լավագույն կատարողների Billboard ամենամյա մրցանակը ամենահեղինակավոր պարգեւներից մեկն Է ԱՄՆ-ի երաժշտական ինդուստրիայում, հաղորդել Է ՏԱՍՍ-ը: