1 րոպեի ընթերցում
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի և Լոնդոնի «Արսենալ»-ի կիսապաշտպան Հենրիխ Մխիթարյանը, ով նաև Հայաստանում UNICEF-ի բարի կամքի դեսպանն է, հերթական անգամ խոսել է երեխաների հավասար հնարավորությունների մասին:
«Արմենպրես»-ի հաղորդմամբ` Unicef-ի նոր տեսանյութում Մխիթարյանը շեշտում է, որ սահմանափակ կարողություններով երեխաները պետք է մաս կազմեն իրենց ընտանիքների առօրյայում, այլ ոչ թե առանձնացվեն հասարակությունից:
Հենրիխ Մխիթարյանը Unicef-ի բարի կամքի դեսպանն է 2016 թվականից: