Թրամփը վերջին 100 տարվա ընթացքում դարձել Է ԱՄՆ-ի առաջին նախագահը, որն ընտանի կենդանի չունի
3 րոպեի ընթերցում
ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Դոնալդ Թրամփը վերջին 100 տարվա ընթացքում դարձել Է ԱՄՆ-ի առաջին նախագահը, որը ոչ մի ընտանի կենդանի չունի: Այս դիտարկումն արել Է ամերիկյան Business Insider ինտերնետ-հրատարակությունը, որն օգոստոսի 28-ին հոդված Է հրապարակել այն ամենահայտնի ընտանի կենդանիների մասին, որոնք պետության ղեկավարներին Էին պատկանում ԱՄՆ-ի ավելի քան 200-ամյա պատմության ընթացքում, տեղեկացնում Է «Արմենպրես»-ը:
Նշվում Է, որ ԱՄՆ-ի նախագահների շրջանում ամենատարածված կենդանին եղել Է շունը, ընդ որում՝ 45 ղեկավարներից 30-ն ունեցել Է գոնե մեկ շուն, որը տերերի հետ միասին ապրել Է Սպիտակ տան Արեւմտյան թեւում: Երկրի գլխավոր նստավայրում ընտանի կենդանիներ պահելու ավանդույթի սկիզբը դրել Է ԱՄՆ-ի առաջին նախագահ Ջորջ Վաշինգտոնը (1789-1797 թթ.), որն Սպիտակ տան առջեւի փոքրիկ մարգագետնում ման Էր տալիս ամերիկյան ֆոքսհաունդ ցեղատեսակի իր սիրեցյալին:
ԱՄՆ-ի տասնվեցերորդ նախագահ Աբրահամ Լինքոլնը (1861-1865 թթ.) Արեւմտյան թեւում պահում Էր որսորդական շուն՝ Ֆիդո անունով քերծեին:
Երեսունմեկերորդ նախագահ Հերբերթ Հուվերը (1929-1933 թթ.) սիրում Էր լուսանկարվել իր գերմանական գամփռների հետ: Ֆալա անունով շոտլանդական թերիերը պատմության մեջ մտել Է այն բանի շնորհիվ, որ հաճախակի Էր ուղեկցում իր տիրոջը՝ ԱՄՆ-ի նախագահ Ֆրանկլին Դելանո Ռուզվելտին, եւ նրա հետ միասին հատնվում կինո- եւ ֆոտոխցիկների օբյեկտիվում:
ԱՄՆ-ի երեսուներեքերորդ նախագահ Հարրի Թրումենը (1945-1953 թթ.) հոգի Էր տալիս Ֆելլեր անունով իր սիրելի կոկեր-սպանիելի համար:
Շների մեծ սիրահար Էր Միացյալ Նահանգների 35-րդ նախագահ Ջոն Ֆիցջելալդ Քենեդին (1961-1963 թթ.): Նա միանգամից վեց ընտանի կենդանի ուներ: Սպիտակ տան ղեկավարներից վերջինը, որը շներ Էր պահում, եղել Է ԱՄՆ-ի 44-րդ նախագահ Բարաք Օբաման (2009-2017 թթ.), որն ուներ պորտուգալական վասսերհունդ ցեղատեսակի երկու շուն՝ Բո եւ Սաննի անուններով:
Ինչպես նշում Է Business Insider-ը, ԱՄՆ-ի ներկայիս ղեկավար Դոնալդ Թրամփը դեռեւս ընտանի կենդանի ձեռք չի բերել այն պահից, երբ տեղափոխվել Է Սպիտակ տուն: Ինչպես պնդում Է հրատարակությունը, ԱՄՆ-ի վերջին ղեկավարը, որն իր նստավայրում շուն չի պահել, եղել Է ԱՄՆ-ի 25-րդ նախագահ Ուիլյամ Մակքինլին (1897-1901 թթ.), հաղորդել Է ՏԱՍՍ-ը: