2 րոպեի ընթերցում
ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Մարդկանց զանգվածային թունավորում Է տեղի ունեցել Չիլիի արեւմուտքի Կինտերո եւ Պուչունկավի կոմունաներում, որոնց պատել Է, հավանաբար, ծծմբի կարծր մասնիկներ պարունակող ամպը: Ինչպես օգոստոսի 23-ին հայտնել Է Biobio ռադիոկայանը, հիվանդանոց են տեղափոխվել հարյուրից ավելի մարդիկ, որոնք գլխապտույտ ու սրտխառնոց են ունեցել, տեղեկացնում Է «Արմենպրես»-ը:
Դեղին գույնի ամպը, որը, «ենթադրաբար, ծծմբի օքսիդի կարծր մասնիկներ Էր պարունակում», պատել Է Կինտերոյի եւ Պուչունկավիի տարածքը, հայտնել Է Չիլիի նախագահ Սեբաստիան Պինիերան: Նա կարգադրել Է տեղի ունեցածի մանրակրկիտ հետազոտություն անցկացնել՝ պարզելու զանգվածային թունավորման ստույգ պատճառներն ու աղբյուրը:
Վալպարաիսոյի տարածաշրջանի նահանգապետը, որտեղ գտնվում են տուժած կոմունաները, դրանցում Էկոլոգիական տագնապի «դեղին» (բարձր) մակարդակ Է հայտարարել: Այնտեղ ժամանակավորապես չեղարկվել են ուսումնական հաստատությունների պարապմունքները եւ փակվել են մանկապարտեզներն այն կապակցությամբ, որ թունավորվածների մեծ մասը երեխաներ են ու դեռահասներ:
Կինտերոյում սա վերջին մեկ շաբաթվա ընթացքում թունավորման արդեն երկրորդ դեպքն Է: Օգոստոսի 21-ին այնտեղ հարկ Է եղել տարհանել երեք քոլեջների սովորողներին այն բանից հետո, երբ 30 դեռահասների մոտ գլխապտույտ ու սրտխառնոց Է սկսվել, հաղորդել Է ՏԱՍՍ-ը: