2 րոպեի ընթերցում
ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Դերասանուհի Անջելինա Ջոլին օգոստոսի 7-ին դիմել Է Լոս Անջելեսի Գերագույն դատարան միջնորդությամբ, որպեսզի դերասան Բրեդ Փիթին պարտավորեցվի բավականաչափ միջոցներ վճարելու իրենց համատեղ երեխաների դաստիարակման համար: Այս մասին, ինչպես տեղեկացնում Է «Արմենպրես»-ը, հայտնել Է ABC հեռուստաընկերությունը՝ վկայակոչելով փաստաբան Սամանտա Բլեյ Դեջինի՝ դիմումը:
«Նա (Փիթը) պարտավոր Է վճարել երեխաների դաստիարակման համար: Սակայն այսօրվա վիճակով բաժանման պահից ի վեր լիարժեք միջոցներ չի վճարել երեխաների դաստիարակման համար»,- մեջբերումներ Է անում հեռուստաընկերությունը միջնորդությունից: «Մեկուկես տարվա ընթացքում (Փիթը) կանոնավոր կերպով չի կատարել երեխաների ծախսերի շուրջը ոչ պաշտոնական համաձայնությունը: Հաշվի առնելով սույն հանգամանքը՝ նա (Ջոլին) մտադիր Է պահանջ ներկայացնել երեխաների խնամքի ապահովման՝ դատարանի կարգադրագիր ստանալու նպատակով»,- ասված Է փաստաթղթում: Դրանում չի նշվում, թե ամսական հատկապես ինչ գումարի հույս ունի մայրը: Դերասանի ներկայացուցիչներն ABC-ին հայտարարել են, որ նա անշեղորեն կատարում Է իր ստանձնած բոլոր պարտավորությունները:
Ջոլին եւ Փիթը բաժանվել են 2016 թվականի սեպտեմբերին: Զույգը միասին ապրել Է 10 տարի եւ ամուսնացել Է միայն 2014 թվականի օգոստոսին: Նրանք ունեն վեց երեխա, որոնցից երեքը հոգեզավակներ են: Դերասանուհին ապահարզանի դիմում Է տվել, ինչից հետո երեխաների հետ Հոլիվուդի ընտանեկան առանձնատնից տեղափոխվել Է Մալիբուի (Կալիֆոռնիայի նահանգ) առանձնատուն, հաղորդել Է ՏԱՍՍ-ը: