1 րոպեի ընթերցում
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Ֆուտբոլի աշխարհի առաջնության D խմբի վերջին տուրում Խորվաթիայի հավաքականը մրցեց Իսլանդիայի ընտրանու հետ:
«Արմենպրես»-ի հաղորդմամբ՝ խմբի առաջատարը Իսլանդիայի հետ խաղի մեկնարկային րոպեներին տիրում էր նախաձեռնությանը, բայց հնարավորություններ չէր օգտագործում: Վիճակագրությամբ խորվաթները տիրում էին նաև գնդակի տեղաշարժին: Առաջին կեսում այդպես էլ դարպասի գրավում չարձանագրվեց:
Երկրորդ կեսի մեկնարկում խորվաթներն իրենց առավելությունը գոլի վերածեցին 53-րդ րոպեին: Խորվաթիային առաջ մղեց Բադելը: Իսլանդացիները կարողացան վերականգնել հաշվի հավասարությունը 76-րդ րոպեին 11 մետրանոց հարվածի շնորհիվ, որն անվրեպ իրացրեց Սիգուրդսոնը: Բայց Խորվաթիան կարողացավ հաղթանակի նժարը շրջել իրենց կողմը 90-րդ րոպեին: Խորվաթների հաղթական գնդակը խփեց Պերիշիչը: Խորվաթիա-Իսլանդիա 2:1:
Խորվաթիան առաջին տեղով դուրս եկավ խմբից:
Մունդիալի մասին այլ նյութերայստեղ:
Լուսանկարները՝ FIFA