397.92
Վալերիյ Օսիպյանը և Արմեն Գրիգորյանը քննարկել են Ոստիկանության և Անվտանգության խորհրդի համագործակցությանն առնչվող հարցեր
1 րոպեի ընթերցում
ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ: Ոստիկանությունում հունիսի 12-ին տեղի է ունեցել ՀՀ ոստիկանության պետ Վալերիյ Օսիպյանի և ՀՀ Անվտանգության խորհրդի քարտուղար Արմեն Գրիգորյանի աշխատանքային հանդիպումը:Ինչպես «Արմենպրես»-ին տեղեկացրին Ոստիկանության մամուլի ծառայությունից, հանդիպման ընթացքում կողմերը քննարկել են Անվտանգության խորհրդի և Ոստիկանության համագործակցությանն առնչվող հարցեր:
Առանձնակի ուշադրություն է դարձվել ՀՀ ազգային անվտանգության հայեցակարգի մշակման գործընթացում միասնական աշխատանքի կարևորությանը, բոլոր պատասխանատու գերատեսչությունների ներգրավվածությանը և Անվտանգության խորհրդի անդամների հետ պարբերական հանդիպումների անհրաժեշտությանը:
Ի թիվս այլ հարցերի Արմեն Գրիգորյանն ու Վալերիյ Օսիպյանը քննարկել են ինչպես հակակոռուպցիոն, այնպես էլ կիբերհանցագործությունների դեմ ակտիվ պայքարի խնդիրներ:
Բաժանորդագրվեք մեր ալիքին Telegram-ում