Հայտնի է ԱԺ-ում Սահմանադրական դատարանի անդամի ընտրության քվեարկության օրը

ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ: ՀՀ Ազգային ժողովում Սահմանադրական դատարանի դատավորի ընտրության քվեարկությունը տեղի կունենա հունիսի 13-ին: Այս մասին Ազգային ժողովի նիստի ընթացքում հայտնեց ԱԺ հաշվիչ հանձնախմբի նախագահ Գագիկ Մելիքյանը:

«Ազգային ժողովում Սահմանադրական դատարանի դատավորի ընտրության քվեարկությունը տեղի կունենա հունիսի 13-ին, ժամը 11:00-ից մինչև 11:40-ը: Քվեարկությունը կանցկացվի Ազգային ժողովի նիստերի դահլիճի հարևանությամբ գտնվող նախասրահում»,- «Արմենպրես»-ի հաղորդմամբ՝ ասաց Մելիքյանը:

Դատավորների ընդհանուր ժողովը Սահմանադրական դատարանի դատավորի թափուր տեղի համար առաջադրել է Ելիզավետա Դանիելյանի թեկնածությունը: