Բաղդադում տեղի ունեցած պայթյունի առնվազն 20 մարդու կյանք Է խլել, վիրավորվել Է 110 հոգի

ԵՐԵՎԱՆ, 7 ՀՈԻՆԻՍԻ, ԱՐՄԵՆՊՐԵՍ: Առնվազն 20 մարդ Է զոհվել, 110-ը՝ վերքեր ստացել Բաղդադի արեւելյան մասի Մադինաթ աս-Սադրի շրջանում իրականացված պայթյունի պատճառով: Այդ մասին, ինչպես տեղեկացնում Է «Արմենպրես»-ը, հայտնել Է տեղական Alghad Press գործակալությունը՝ վկայակոչելով անվտանգության մարմինների մի աղբյուր:

«Մադինաթ աս-Սադրում պայթյունի վերաբերյալ նոր տվյալներով՝ զոհվել Է 20, վիրավորվել՝ 110 մարդ»,- հայտնել Է աղբյուրը տեղական գործակալությանը: «Ասոշիեյթեդ պրես» գործակալությունն ավելի վաղ հայտնել Է, որ լույս հունիսի 7-ի գիշերը Մադինաթ աս-Սադրի շրջանում շիաների մզկիթից ոչ հեռու գործի են դրվել պայթուցիչ սարքեր: Իր հերթին աղբյուրը ՌԻԱ Նովոստի գործակալությանը հայտնել Է, որ պայթել Է տեղի սրճարանի մերձակայքում գտնվող ականապատ ավտոմեքենան: Alghad Press գործակալությունը նշել Է, թե իր աղբյուրն այն վարկածն Է հայտնել, որ շիաների պաշտամունքի վայրի մերձակայքում երկու պայթուցիչ սարք Է եղել, սակայն ուժայինների իրաքյան մամուլի կենտրոնը հայտարարել Է, որ պայթել Է շենքում պահվող զինամթերքը:

Հավելենք, որ Մադինաթ աս-Սադրի շրջանում ապրում են շիա մուսուլմաններ:

Լուսանկարը` AFP