1 րոպեի ընթերցում
ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Ազգային ժողովի ՀՀԿ խմբակցության պատգամավոր գևորգ Կոստանյանը վստահեցնում է, որ որևէ պարագայում չի լքելու խմբակցությունը: Ազգային ժողովում լրագրողների հետ զրույցում Գևորգ Կոստանյանը հավաստիացրեց, որ եթե նույնիսկ խմբակցությունում մեկ պատգամավոր մնա, ինքը կլինի երկրորդը:
Գևորգ Կոստանյանը նաև ընդգծեց, որ իրեն չի մտահոգում այն հանգամանքը, որ գործարար պատգամավորները լքում են խմբակցությունը: Միևնույն ժամանակ նա ընդգծեց, որ եթե ինքը որոշում կայացներ լքել խմբակցությունը, այդ դեպքում վայր կդներ նաև մանդատը: «Ես, եթե խմբակցության կազմը լքեի, անկեղծորեն եմ ասում, ես մանդատս անմիջապես վայր կդնեի մի պատճառով, որ պառլամենտում դու հայտնվել ես այդ կուսակցության քվոտայով, այդ թվում՝ ռեյտինգային կարգով»,- «Արմենպրես»-ի փոխանցմամբ՝ ասաց նա։:
Հարցին՝ ո՞ր դեպքում կլքի խմբակցությունը, Կոստանյանն ընդգծեց, որ ինքը կլքի խմբակցությունը, միայն այն պարագայում, երբ որոշում կկայացնի վայր դնել պատգամավորական մանդատը: