Apple-ը նոր ծրագրային ապահովում Է ցուցադրել Apple Watch-ի եւ Mac-ի համար

3 րոպեի ընթերցում

ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: Apple կորպորացիայի ներկայացուցիչները հունիսի 4-ին Սան Խոսեում (Կալիֆոռնիայի նահանգ) ծրագրային ապահովման մշակողների խորհրդաժողովում պատմել են այն նոր գործառույթների մասին, որոնք կստանան Mac-ի սեղանի համակարգիչները եւ Apple Watch-ի սմարթ-ժամացույցները: Համաժողովի հեռարձարկումը իրականացվել Է նրա պաշտոնական կայքում, տեղեկացնում Է «Արմենպրես»-ը:

Apple Watch-ի համար այս տարի ավելի ուշ ընկերությունը խոստանում Է թողարկել watchOS 5 նորացումը: Սարքի բազմաթիվ նոր հնարավորությունները օգտատերերի համար կդյուրացնեն սպորտով զբաղվելը, այդ թվում՝ խմբերով:

Մասնավորապես, խոսքը վերաբերում Է այլ օգտատերերի հետ ոչ մեծ մարզական մրցումների անցկացման ծրագրային ապահովմանը: Նորացումը նաեւ կներառի սարքի տիրոջ ֆիզիկակակն վիճակը հսկելու միջոցների օպտիմալացումը: Ժամացույցներն, օրինակ, կսովորեն հաշվել, թե քանի կալորիա Է ծախսվել յոգայով զբաղվելու վրա: Դրանք նաեւ կարող են ինքնուրույն որոշել՝ երբ Է օգտատերը սկսել զբաղվել սպորտով:

Apple-ում խոստանում են, որ ժամացույցներն ավելի արդյունավետորեն են գործակցելու Siri ձայնային օգնականի հետ: Վերջինիս հնարավոր կլինի ավելի շատ հրահանգներ տալ: Apple-ը հունիսի 4-ին ներկայացրել Է Mac սեղանի համակարգիչների համար նախատեսված օպերացիոն համակարգի նոր տարբերակը, որն ստացել Է macOS Mojave անվանումը:

Դրանում մեծ ուշադրություն Է դարձված օգտատերերի անձնական տվյալների պաշտպանությանը: Մասնավորապես, կարելի կլինի նշել, թե տվյալների ինչ խմբերի հետ կկարողանան առնչվել այս կամ այն հավելվածները: Նորացման մեջ լրացուցիչ գործիքներ են ներառված Safari բրաուզերի համար: Դրանում կարելի կլինի գործարկել ռեժիմ, որում սահմանափակված Է սոցիալական ցանցերում օգտատերերի վերաբերյալ տվյալների հավաքումը:

Խան Խոսեի խորհրդաժողովը կշարունակվի հինգ օր. որոնց ընթացքում ընկերությունը, ինչպե սպասվում Է, կներկայացնի նոր հավելվածներ ու սարքեր: Հունիսի 4-ին ավելի վաղ այնտեղ արդեն ներկայացրել են iOS շարժական օպերացիոն համակարգի նոր տարբերակը, որում կարտացոլվեն տեխնոլոգիաներ, որոնք թույլ են տալիս ստեղծել լրացված իրականության Էֆեկտ, հաղորդել Է ՏԱՍՍ-ը:

Հայերեն Русский

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026

ՀՀ ԱԽ քարտուղարն ու Էստոնիայի դեսպանը քննարկել են համագործակցության խորացմանն առնչվող հարցեր

Հայաստանում հիմնվում է ռոբոտաշինության և ֆիզիկական արհեստական բանականության կենտրոն. ARCS-ai-ի նոր նախաձեռնությունը

Իրանի դեմ պատերազմը ԱՄՆ-ի համար արժեցել է 48 միլիարդ դոլար

Մի խոչընդոտեք սահմանադրական հանրաքվեի անցկացմանը. Ռուբինյանը հորդորով դիմեց ընդդիմությանը

ԱՄՆ Ազգային անվտանգության գործակալության գաղտնի ցանցն արդեն երրորդ օրն է՝ չի աշխատում. NBC News

Թրամփը համաձայն է Զելենսկու հետ, որ Ուկրաինայի մասին որոշումներն՝ առանց երկրի մասնակցության, անթույլատրելի են

ՔՊ-ն սպասում է «Ուժեղ Հայաստան»-ի արձագանքին նոր Սահմանադրության հանրաքվեի վերաբերյալ Փաշինյանի առաջարկին