«Զվարթնոց»-ում ֆուտբոլային տարին սկսված է. օդանավակայանում տեղադրվել են լավագույն ֆուտբոլիստների մանեկենները
1 րոպեի ընթերցում
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Այս տարի ֆուտբոլային տարի է. մոտ քսան օրից Ռուսաստանում կմեկնարկի Ֆուտբոլի աշխարհի 21-րդ առաջնությունը: Մայիսի 22-ին «Զվարթնոց» միջազգային օդանավակայանում տեղադրվեցին աշխարհի լավագույն ֆուտբոլիստների մանեկենները, որոնց հետ ցանկացողները կարող են նկարվել մինչև աշխարհի առաջնության ավարտը:
Ինչպես «Արմենպրես»-ին հաղորդեցին «Արմենիա» միջազգային օդանավակայաններ» ՓԲԸ-ից, առաջնության հիմնի հնչյունների ներքո «Զվարթնոցի» ուղևորներն ու հյուրերը ողջունեցին ֆուտբոլիստներին և ֆուտբոլային տարին հայտարարեցին սկսված: