Սիրիային նվիրված բարձր մակարդակի նոր հանդիպումը տեղի կունենա Սոչիում հուլիսին
1 րոպեի ընթերցում
![Սիրիային նվիրված բարձր մակարդակի նոր հանդիպումը տեղի կունենա Սոչիում հուլիսին](http://armenpress.am/resized/480/static/news/b/2018/05/933596.jpg)
ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: Սիրիայի իրադրության կարգավորմանը նվիրված նոր միջազային հանդիպումը տեղի կունենա Սոչիում հուլիսին: Այդ մասին, ինչպես հաղորդել Է ՏԱՍՍ-ը, մայիսի 15-ին հայտնել Է Ղազախստանի արտաքին գործերի փոխնախարար Երժան Աշիկբաեւը՝ ընթերցելով մայիսի 14-15-ին Աստանայում Սիրիայի շուրջ բանակցությունների իններորդ փուլի արդյունքների վերաբերյալ Ռուսաստանի, Թուրքիայի եւ Իրանի հայտարարությունը, տեղեկացնում Է «Արմենպրես»-ը:
«Որոշեցին Սիրիային նվիրված բարձր մակարդակի հաջորդ միջազգային հանդիպումն անցկացնել Սոչիում 2018 թվականի հուլիսին»,-նշել Է Աշիկբաեւը: Երաշխավոր երկրները նաեւ անկեղծ երախտագիտություն են հայտնել Ղազախստանի նախագահ Նուրսուլթան Նազարբաեւին եւ հանրապետության իշխանություններին Աստանայում Սիրիային նվիրված բանակցությունների իններորդ փուլի անցկացման համար: