ԱՄՆ-ի գլխավորած միջազգային կոալիցիան հարվածներ է հասցրել սիրիական գյուղերից մեկի ուղղությամբ

ԵՐԵՎԱՆ, 12 ՄԱՅԻՍԻ, ԱՐՄԵՆՊՐԵՍ: ԱՄՆ-ի գլխավորած միջազգային կոալիցիան հարվածներ է հասցրել սիրիական Էլ Հասակե նահանգի հարավի գյուղերից մեկի ուղղությամբ: «Արմենպրես»-ի հաղորդմամբ, այս մասին տեղեկացնում է Սիրիայի պետական հռուստաալիքը: Լրատվամիջոցի տեղեկություններով՝ ռմբակոծման է ենթարկվել Ալ Համադի գյուղը, զոհվել է 8 խաղաղ բնակիչ:

Մայիսի սկզբին ՍԱՆԱ գործակալությունը տեղեկացրել էր միջազգային կոալիցիայի կողմից հարվածների մասին Ալ-Ֆադելի և Էլ-Հասակեի ուղղությամբ: Այդ ժամանակ զոհվել էր 25 քաղաքացի: