1 րոպեի ընթերցում
ԳՅՈՒՄՐԻ, 2 ՄԱՅԻՍԻ, ԱՐՄԵՆՊՐԵՍ: Գյումրիում վաղ առավոտյան մեկնարկել է բողոքի ակցիան: Ցույցի մասնակիցները փակել էին Շիրակի մարզպետարան տանող բոլոր ճանապարհները։ Ակցիայի մասնակիցները նստացույց են արել մարզպետարանի մուտքի մոտ և թույլ չեն տվել, որ մարզպետարանի աշխատակիցները մտնեն կառույց։
«Արմենպրես»-ի հաղորդմամբ՝ ավելի ուշ, ակցիայի մասնակիցները մտել են Գյումրու քաղաքապետարան՝ պահանջելով աշխատակիցներին միանալ ակցիային:Ակցիայի մասնակիցները պահանջում են Գյումրու քաղաքապետին միանալ իրենց, այլապես իրենք կպահանջեն քաղաքապետի հրաժարականը: Քաղաքում շարունակում է փակ մնալ նաև մարզպետարանը:
Ակցիային են միացել ինչպես ուսումնական հաստատություններ, այնպես էլ մի շարք կազմակերպություններ:
Այս պահին փակ են ինչպես Գյումրի տանող հանրապետական, այդպես էլ միջմարզային մի շարք ճանապարհներ։ Փակ է նաև Գյումրի-Բավրա ճանապարհը: