1 րոպեի ընթերցում
ԵՐԵՎԱՆ, 1 ՄԱՅԻՍԻ, ԱՐՄԵՆՊՐԵՍ: Ազգային ժողովի ՀՀԿ խմբակցության պատգամավոր Ֆելիքս Ցոլակյանը կողմ է քվեարկել վարչապետի պաշտոնում Նիկոլ Փաշինյանի թեկնածությանը:
Ինչպես հաղորդում է «Արմենպրես»-ը, Ազգային ժողովի կայքում նիստերի արձանագրության բաժնում հրապարակվել են անհատական քվեարկության արդյունքները, որից պարզ է դառնում, որ Ցոլակյանը կողմ է քվեարկել Փաշինյանի թեկնածությանը:
«Ես քվեարկել եմ ժողովրդի թեկնածուի օգտին՝ իմ խղճի թելադրանքով»,- ֆեյսբուքյան իր էջում գրել է Ցոլակյանը։
Նիստից բացակայել է ՀՀԿ խմբակցության պատգամավոր Գրիգոր Ավալյանը, ով մամուլում շրջանառվող լուրերի համաձայն վայր է դրել պատգամավորական մանդատը:
Փաշինյանի օգտին կողմ են քվեարկել ՀՅԴ և «Ծառուկյան» խմբակցությունները: ՀՅԴ խմբակցության քարտուղար Աղվան Վարդանյանը ավելի վաղ հայտարարել էր, որ չի մասնակցելու քվեարկությանը: