Սիրիայում հումանիտար իրադրությունը վատթարանում Է. եվրակոմիսար
1 րոպեի ընթերցում
![Սիրիայում հումանիտար իրադրությունը վատթարանում Է. եվրակոմիսար](http://armenpress.am/resized/480/static/news/b/2018/04/931240.jpg)
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Սիրիայում հումանիտար իրադրությունը վատթարանում Է, օգնության կարիք ունի ավելի քան 13 մլն մարդ, որոնց կեսը երեխաներ են: Ինչպես հաղորդել Է ՌԻԱ Նովոստին, այդ մասին ապրիլի 24-ին Սիրիայի աջակցությանը նվիրված խորհրդաժողովի բացմանը հայտարարել Է մարդասիրական օգնության եւ ճգնաժամերի կառավարման եվրակոմիսար Քրիստոս Ստիլիանիդեսը, տեղեկացնում Է «Արմենպրես»-ը:
«Հումանիտար իրադրությունը Սիրիայում վատթարանում Է: Սիրիայում մարդասիրական օգնության կարիք ունի ավելի քան 13 մլն մարդ, որոնցից 6 միլիոնը երեխաներ են: Մոտավորապես 2 մլն մարդ ապրում Է այն գոտիներում, որոնք դժվարամատչելի են ճանաչված օգնություն հասցնելու համար»,-հայտարարել Է եվրակոմիսարը:
Նա նշել Է, որ Սիրիայի բնակչության համար հումանիտար օգնության կազմակերպման եւ դրա գերակայությունների որոշման հարցում ԵՄ-ի հիմնական գործընկերը տեղի ոչ կառավարական կազմակերպություններն են: Բրյուսելում ապրիլի 23-ին բացվել Է Սիրիային նվիրված երկրորդ միջազգային դոնորական խորհրդաժողովը, որի աշխատանքի առաջին օրը նվիրված Է ոչ կառավարական կազմակերպությունների հետ աշխատանքին: