«Հորտուս Մուզիկուս» էստոնական անսամբլի յուրահատուկ երաժշտությունը կհնչի Զվարթնոցում

ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ:«2018 թվականի Մշակութային ժառանգության եվրոպական տարին Հայաստանում» միջոցառման մեկնարկը կտրվի «Հորտուս Մուզիկուս» էստոնական անսամբլի համերգային ծրագրով: Այն տեղի կունենա ապրիլի 20-ին Զվարթնոցի տաճարի տարածքում:

«Արմենպրես»-ի հաղորդմամբ` անսամբլը առանձնահատուկ երաժշտական գործիքներով հանդես կգա վաղ շրջանի, ինչպես նաև միջնադարյան և վերածննդի դարաշրջանի եվրոպացի կոմպոզիտորների մի շարք գործերով:

Միջոցառումների սկիզբն ազդարարում է Հայաստանում Եվրոպական միության պատվիրակությունը:

Համերգը կազմակերպվում է «Երևանյան հեռանկարներ» 19-րդ միջազգային փառատոնի հետ համատեղ: