1 րոպեի ընթերցում
ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ: Հայաստանի ֆուտբոլի ազգային թիմի ավագ և Լոնդոնի «Արսենալ»-ի կիսապաշտպան Հենրիխ Մխիթարյանի վերականգնման համար կպահանջվի երկու շաբաթ:
«Հենրիխ Մխիթարյանը ծնկահոդի կապանի վնասվածք ունի: Նա կբացակայի երկու շաբաթ: Մի անհանգստացեք, «Արսենալ»-ը լավ բժիշկներ ունի, և Մխիթարյանը լրջորեն վերականգնվում է»,-«Արմենպրես»-ի հաղորդմամբ` նման հայտարարություն է արել «զինագործների» գլխավոր մարզիչ Արսեն Վենգերը:
Ֆուտբոլի Եվրոպայի լիգայի քառորդ եզրափակիչի ԲԿՄԱ-ի դեմ խաղի երկրորդ կեսում Մխիթարյանը վնասվածք ստացավ և փոխարինվեց 60-րդ րոպեին: